This company's branding has already reached 725 peopleand his is followed by 10 Storybook users.The company has not been rated.and there are no comments either.

Tegevusaruanne 2024

VÕRO SELDSI VKKF TEGEMIISI AROANNÕ 2024

VI Uma Pido. 2024. oll Uma Pido aastak. Pido peeti 1. juunil, kõrraldamist vidi iist Võro Instituudi projektijhuht Tigasõ Merike. Uma Pido kõrraldaja omma Võro selts VKKF ja Võro instituut. Täpsempä teedüst pido kotsilõ saa kaia kodolehe umapido.ee päält.

Kaika suvõülikooli matkapäiv Ihamarust Karilatsi. 2024. aastaga 10. põimukuul peeti kuvvõndat kõrda Kaika suvõülikooli matkapäiv. Matkati

Ihamarust Karilatsi. Ihamaru küläkeskusõn pidäsi Saarõ Hipp loengu tuu kandi paiganimmist ja sis minti matkama. Matka lõpun opiti ütenkuun är paar perimüstandsu. Matkapäävä rektri oll Rohu Urmas, kõrraldaja Rahmani Elo ja Raju Eliisabet. Matkapääväst võtt’ ossa umbõs 20 inemist.

Võro-Seto tähtraamat 2025. Nigu joba aastit, sai simunapääväs valmis tulõva aastaga Võro-Seto tähtraamat. Tähtraamadu toimõnd’ Vaaba

Janek, kunstnik oll Soonõ Madli, kiilt kai Fastrõ Mariko. Tugõsi Eesti Kultuurkapitali Võromaa ekspertgrupp.

Võrokeelitside raadiouudissidõ lugõminõ. Egä neläpäävä kell 18.45 om Vikerraadion saadõ „Vahtsõmbat Võromaalt“. Saatõ sääd kokko

Harju Ülle, lugõ Valpri Valdo. Saatõ kokkosäädmise mass kinni ERR, a diktorilõ masmisõs sai Võro Selts VKKF Rahvakultuuri keskusõst tukõ.

Savvusannaperändiga tegeles laembalt Vana Võromaa savvusannu kuuntüükogo, mink man omma ka Võro Instituut ja Võro Selts VKKF.

Kuuntüükogo tegemist hoit kuun Eichenbaumi Külli. Tä hoit juuskvalt silmä pääl kodolehel savvusann.ee, tege pressitiatit, suhtlõs meediäga, levitäs savvusannaraamatut jne.

Savvusanna lavvamäng. Lavvamängu luumisõ idee sai alostusõ Vunki Mano loomõtalossil 2021. aastaga urbõkuun, kohe seldsi liigõ Laanõ

Triinu säändse idee esit. Projekti vidi Villändi Kultuuriakadeemiä kultuurikõrraldusõ tudõng Helen Piir. 2023. aastal sai mängo kujondus ja 2025.

aastaga alostusõn sai mäng Võro instituudi toel valmis. Kunstnigutüü tekk Epp Margna. Mänguga köüdetüid tegemiisi tugõsi Kultuurkapitali

Põlva- ja Võromaa ekspertgrupi ja Eesti Rahvakultuuri keskus.

Seldsi arõndustegemise:

Karmanihelü "Poodi man". 2024. aastagal käümä lännü "Poodi man" om võrokeeline netisaade, kon egä katõ nädäli takast saava kokko Saarõ

Hipp ja Raju Eliisabet, kiä kõnõlõsõ uudissit ja märgotasõ võrokõsõs olõmisõ üle. Piä egä kõrd om stuudion ka küläline, kiä lahkas uma karjääritiid, uma köüdüst Võromaaga, märgotas maailma murõ ja rõõmu üle. Kullõlda saa helüait.ee lehe päält Spotifyst.

Võro keele opiklipi. 2024. aastaga alostusõn võeti linti katõsa lühküt videoklippi, kon opatas sääntsit võro keele juuni, miä eesti keelest väega tõistõ lätvä. Videoklippe käsikirä kirot' seldsi liigõ Vaaba Janek, nõvvo anni seldsi liikmõ. Ülesvõtminõ oll' Tarto Ülikooli raha iist ja et sääl om võro keele esiopjalõ leheküle tegemine poolõlõ jäänü, ei olõ saanu neid viil kohe üles panda. Nätä saa seo lingi päält: https://drive.google.com/drive/folders/1gaZVIkh3L78BVOFEVnxdrP0uAjT7yVxq?usp=share_link

Võro Seldsi sotsiaalmeediän tutvustõdas võrokeelitsit sõnno, ütlemiisi ja tulõtõdas kuu lõpun miilde, et viinäüdü piät är saatma.

Arõndustegemiisi tugõ Eesti Rahvakultuuri keskus.

Juhatus ja tüütäjä

Liikmit oll aastaga lõpus seldsin 31.

Tüülepinguga tüütäjit seldsin es olõ. A käsunduslepinguga olli vahepääl tüül Vaaba Janek ja Saarõ Hipp.

Juhatusõn olli 2024. aastagal Kauksi Ülle, Laanõ Triinu, Rahmani Jan, Saarõ Hipp ja Vaaba Janek.